har subah
dhoop ke bahane
tumhe dekhne ko
main khidki kholta tha
tumse hi ghar mein roshni hoti thi!!
kuchh baras hue
tum dikhti nahin ab
khidki, jo khulti thi
aakaash ki jaanib
ab andar ki taraf bhi nahin khulti
in dinon ghar mein andhera rahta hai!!
Tum poochhti thi aksar
yeh chaand jata kahan hai
jata hai agar
to phir aata kyun hai!!
in dinon magar
Chaand poochhta hai mujhse
tum aayee thi kahan se
aur aayee thi to gayee kahan
gaye ho jab
to aati kyun nahin!!
woh kahani
jo sunaai thi tumne
ki jismein
ek raja ne jo bhi chhua
woh sona ho gaya..
kahani adhoori rah gayee thi!
main yahan baitha
patthar ho gaya hoon
tum aao kabhi
aur chhu lo mujhe
to jaan aa jaayegi mujhmein
kahani adhoori hai ab bhi!!
main kisi keede sa
gumshuda gumnaam hoon ab
tumhari talash mein
Tum aao
aur pukaro naam le kar mujhe
warna keedon ko shahron mein
dhuein se maarte hain...
Koi jaanta bhi nahin!!
har baar....kuchh naya likhta hoon yahan...aur darta hoon ki log kya kahenge...is se bhi zyada darr is baat ka lagta hai ki kya hoga agar logon ne kuchh na kaha to!!
I have read somewhere that pain helps creates. But don't like the idea that one has to suffer to write this.
ReplyDelete"main kisi keede sa
gumshuda gumnaam hoon ab
tumhari talash mein
Tum aao
aur pukaro naam le kar mujhe
warna keedon ko shahron mein
dhuein se maarte hain...
Koi jaanta bhi nahin!!"
Why do you write like that?
----------------------
I admire your control on words. I am yet to see any instance when a word used in your poem could be replaced with a better word. But The range of your writing seems to be in a restrictive phase, focus being her. What about writing on your confusions, say about your career choices!
Just a random thought.
Read first line as "I have read somewhere that pain helps create."
ReplyDelete-------------
I want you to read "Baadal" on my blog, if you haven't already read it.
http://searchingrythem.blogspot.com/2007/04/baadal.html
bahut acche bhai......keep on writing like this .......
ReplyDelete"Tum poochhti thi aksar
yeh chaand jata kahan hai
jata hai agar
to phir aata kyun hai!!
in dinon magar
Chaand poochhta hai mujhse
tum aayee thi kahan se
aur aayee thi to gayee kahan
gaye ho jab
to aati kyun nahin!!"
bahut acche ji.......
Beautiful... sach me words nahi hain
ReplyDeletewarna keedon ko shahron mein
ReplyDeletedhuein se maarte hain...
Koi jaanta bhi nahin!!
waise kuchh keede marne ke liye khud hi dhuein me gum ho jate hain (Cigeratte ki baat kar raha hoon bhai)
achcha likha hi.. keep it up
Tc 'n' keep :)