Search This Blog

Wednesday, January 24, 2007

Ek Khyal...

Mujhko kabhi yun ek mauka to do

Chalte -chalte thak jao tum kabhi
Utha loon main tumhe god mein...
...Bas tum Jaano yeh ek bahana ho

Mujhko kabhi yun ek mauka to do..


Kho jaao tum kahin jab bheed mein
dhoondhun main tumhe raste raste...
...Chhupi tum kahin muskati raho

Mujhko kabhi yun ek mauka to do..


Gir jaaye koi lat jab aankhon pe
Main haathon se use theek karoon...
...Tum chupke se use girati raho

Mujhko kabhi yun ek mauka to do..


Rooth ke baithi ho tum mujhse
main manaun tumhe ek bose se...
...Tum jaan ke galtiyan karti raho

Mujhko kabhi yun ek mauka to do..


Intezar karo tum roz shaam mera
main chupke se daraun tumhe...
...Tum nam aankhon se muskati raho

Mujhko kabhi yun ek mauka to do..


Aaogi tum wapas yeh sochke main
roz ek khwahish banata rahoon...
...Tum aane ki ummeed jagati raho

Mujhko kabhi yun ek mauka to do..

5 comments:

  1. you know piyush, I think this is the most romantic poem I have evr read and may most romantic you have ever written. very beautiful. chote chote lamhon ko khoobsurat banaya hai har pankti mein... god bless you

    ReplyDelete
  2. koi bhi jab yeh kavita padhega use saari tasveerein saaf saaf dikhayi degi...yeh kavita hai ya painting samajh mein nahin ata..keep it up Piyush...You are really very talented.

    ReplyDelete
  3. Hello Piyush!
    Its Avinash from Jagjitji yahoo!group.

    kafi dinon se tumhari koi kavita/ gazal nahi padhi thi. Aur jab padhi to LIFE ban gayi. Really ye kavita mujhe bahut pasand aayi.

    ReplyDelete
  4. Iski maine pele hi bhut tarif kar di hai...
    fir se keh deta hu...Ismai gulzar ki kushbu hai...!!
    aur sabse khubsurat ye ada hai kehne ki..."Mujhko kabhi yun ek mauka to do.."
    yanha "yun" par jo rukna hai...wow..
    behtrin..!!

    ReplyDelete
  5. shabd apna maanii nahiin khote
    aur chup-chaap baiThe rahte hain,
    jahaan tum biTha dete ho...

    ReplyDelete