Khyaal

Jab kabhi
ghar se nikla
yeh sochkar
aaj tumse miloonga...

bheed mein
muskurate hue
daudte-haanfte
kuchh hairaan se
Kuchh pareshaan se
dikhe
hazar chehre
aur
har chehre mein
bas Tum!

Jaise
Jab kabhi
baitha koi nazm likhne
yeh sochkar
aaj sab kuchh kah doonga..

zahan mein
sargoshiyan karte
machalte hue
kuchh sote hue
kuchh jaagte hue
aate hain
hazar khyal
aur
har khyal mein
sirf tum!

Aur khyal yeh
kuchh is tarah
uljhe-lipte hain
saanson mein
ki saanson ka yeh qaidi
Khyalon ka qaidi ho gaya hai
ya
Shayad tumhara!