paraaye chehre par
kya likha hai
yeh padhna utna hi aasaan hai
jitna mushkil hai
apne chehre par
prajjwalit ibaarton ko
jaan paana
ek dariya
uker sakta hai
saare chaand-taare-aakaash
magar khed hai
apni gahraai jaan-ne mein
woh samarth nahin hai
zara bhi nahin
har baar....kuchh naya likhta hoon yahan...aur darta hoon ki log kya kahenge...is se bhi zyada darr is baat ka lagta hai ki kya hoga agar logon ne kuchh na kaha to!!
pata hai teri zyada se zyada kavitaein bahut sochne ke baad samajh mein ati hai...iski gahrayi jaan ne mein bhi waqt laga...
ReplyDelete"apni gahraai jaan-ne mein
woh samarth nahin hai
zara bhi nahin"
yeh shayad tu apni hi baat kar raha hai...tabhi kavita ka naam MAIN hai...aur apni gahrayi janne mein zyada samarth na hona hi behtar hai...kahin ahankar na ho jaye....hihihi
ek aur baat...is kavita mein 2 sentences hai phir bhi yeh kavita hi hai..sher nahin...that's a unique style...keep writing
shayad jitni mushkil se samajh aayi yeh poem utni hi aasani se sama gayi mujhmein .....
ReplyDeleteek pyaari si kavita jo aap ko jaanti hai......keep it up..