Search This Blog

Sunday, July 29, 2007

door

Main jo chala tha ghar se
tumne potli mein ek
zara sa kuchh diya tha
kaha jab bhookh lage kha lena
aaj bhi woh potli
yun hi padi hai

tujhse door hoon na
Maa!! bhookh nahin lagti

Roz

Roz
tum mujhe milte ho
aur kahin
kho jaate ho

jaise boondein
girti hain patton par
aur
fiasl jaati hain

Main roz
jeet ke bhi haar jaataa hoon

Sainik

main sarhad par
chalata hoon goliyaan
ki bachana hai mujhe
desh ko mere
ki zameen nahin
yeh maa hai meri

Maa hai meri
gaaon mein bhi
beemar akeli
magar
bacha nahin sakta hoon use

ki koi nahin wahan
jo de sake use
Goliyaan!!